LIGJET E BIZNESIT
Një kryebashkiake në Ukrainë u rrëmbye, u ekzekutua dhe u hodh në një gropë në një pyll bashkë me burrin dhe djalin e saj. Sipas mediave të huaja, trupat ruse që pushtuan Motyzhyn, 30 milje në perëndim të Kievit, si fillim u përpoqën të fitonin mbështetjen e zyrtarëve lokalë, por pas refuzimit i ekzekutuan. Tmerret u shfaqën pasi forcat e Putin u tërhoqën nga rajoni i Kievit drejt Bjellorusisë.
Kryebashkiakia e njohur Olga Sukhenko, bashkëshorti i saj Igor si dhe djali Aleksandër thuhet se u rrëmbyen në datën 23 Mars. Fati i tyre ishte i panjohur derisa trupat e tyre u gjetën në një varr të cekët pas shtëpive që ushtarët rusë i kishin përdorur si kazerma të improvizuara.
Po ashtu, u gjet edhe një trup i katërt, por ende nuk është identifikuar. Raportet thanë se të gjithë ishin qëlluar. Diku tjetër në fshat, një tjetër viktimë u qëllua nga rusët dhe u hodh poshtë një pusi.
Detajet dolën në pah pasi dolën raporte për “kasapët” e Putinit që ekzekutonin civilë të lidhur dhe linin trupa të shpërndarë në rrugë në Bucha, pranë Kievit. Ka pasur po ashtu pretendime se ushtarët e Kremlinit përdhunuan gra dhe “gjymtuan fëmijë”. Zyrtarët ukrainas shprehen se 410 persona janë gjetur të vdekur në qytete afër Kievit deri më tani.
