“Kam zbatuar procedurat” Dy orë para SPAK, zbardhet dëshmia e Lefter Kokës

Zbardhet dëshmia e ish-ministrit të Mjedisit Lefter Koka, i cili u mor sot në pyetje nga SPAk, në lidhje me aferën e inceneratorëve.

Koka ka thënë se nuk i njeh kompanitë që akuzohet se ka marrë lekë dhe se ka respektuar vetëm ligjin.

“S’u trajtua si truall, por si tokë arë në shpronësim. Kam zbatuar procedurat për ngritjen e komisionit për prokurimin. Kompanite që flitet se kam marrë lekë nuk i njoh”-mësohet të ketë thënë ai.

Rreth orës 10:00 u shoqërua në ambientet e SPAK, ku u mor në pyetje lidhur me procedurën e dhënies me koncesion per inceneratorin e Fierit.

Lefter Koka dyshohet se ka përfituar rreth 1,2 milionë euro ryshfet për ndërtimin e inceneratorit të Fierit. E njëjta skemë si në Elbasan ku Koka akuzohet nga Spak se përfitoi rreth 3,7 milion euro, është kryer edhe në Fier.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Koka akuzohet gjithashtu edhe për falsifikim dokumentesh. Ai dhe deputeti socialist, Alqi Bllako, dyshohet se kanë falsifikuar dokumentin për llojin e tokës ku do të ndërtohej inceneratori i Fierit.