Kryeministri Edi Rama ka marrë pjesë sot në inagurimin e apartamenteve të rindërtuara nga tërmeti i 26 nëntorit 2019 për 16 familje të komunitetit rom dhe egjiptian në lagjen “Shehër” të Lezhës.
Gjatë takimit, një e moshuar zgjodhi ti shprehte falenderimet shefit të qeverisë duke i puthur dorën.
Ndërkohë ky i fundit deklaroi se nuk e jep fjalën kot dhe i rindërtoi banesat ashtu siç u kishte premtuar banorëve.
Banori: Kryeministër, doli fjala jote që the do t’i ndërtoj dhe do ju jap shtëpi? Falemiderit zoti kryeministër!
Rama: Fjala doli sepse unë kur jap fjalën e mendoj mirë. Nuk e jap kot. Nganjëherë nuk ia dal ta bëj në kohë se ka vonesa ka probleme. Në këtë rast ja ku jemi këtu, janë dhe 9-të të tjera që do bëhen. Me Lezhën ashtu sikurse në gjithë Shqipërinë do vijojmë punën”, tha Rama.
“Ju marrsha të keqen” dëgjohet të thotë gruaja teksa i puth dorën kryeministrit në shenjë falenderimi.
