“Je fytyra e turpit” Plas sherri në Komisionin e Edukimit, Ina Zhupa i heq mikrofonin ministres

Një përplasje është shënuar sot në Komisionin e Edukimit mes deputetes së Partisë Demokratike Ina Zhupa dhe ministres së Kulturës Elva Margariti.

E gjithë situata nisi në kuadër të një proteste që nisi Zhupa brenda Komisionit të Edukimit dhe Mjeteve të Informimit Publik. Ndërkohë, pavarësisht sulmeve të deputetes, Margariti vijonte të fliste edhe pse nuk dëgjohej qartë.

Duke parë që ministrja nuk e ndërpriste fjalën e saj, Zhupa afrohet dhe i heq mikrofonin. Deputeten e PD-së tentojnë ta ndalojnë duke i folur, por ajo nuk zmbrapset. Zhupa niset drejt kryetarit të komisionit Petro Koçi.

“Do e mbash dot vetveten?”– i thotë Koçi Zhupës. Por, deputetja e PD-së nuk ndalet, kthehet sërish pranë Margaritit dhe ia heq sërish mikrofonin.

Ina Zhupa i ka heq mikrofonin ministres Margariti dhe ka shpërthyer me tone të forta:

Zhupa: Butrinti nuk është mall, që t’ia jepni privatit.

Margariti: Je fytyra e turpit në këtë komision, antifemër.