LIGJET E BIZNESIT
Në mbledhjen online të Asamblesë së Partisë Socialiste, kryeministri Edi Rama ka folur për atë që pritet të ndodhë në Kongresin e 9 prillit.
Ai tha se ndryshe nga mbledhjet e tjera, kongresi këtë herë do të jetë i hapur, ku nuk do të marrin pjesë vetëm deputetë dhe anëtarë të PS, por edhe qytetarë nga grupet e interesit.
“Pas pak ditësh do të mblidhemi në Kongresin e PS dhe nuk ne pamë të udhës që të angazhonim 2 herë brenda pak ditësh të gjithë ju për të bërë lëvizje.
Sigurisht që ky format besoj është shumë i favorshëm ku secili të jap kontributin e tyre nëse kanë diçka konkrete lidhur me Kongresin. Ndërkohë që Kongresi këtë herë do të jetë krejt ndryshe nga herët e tjera, pasi do të jetë një Kongres në pjesën e tij të parë i hapur për grupet e interesit, për aktorë dhe faktorë shoqërorë, në një numër panelesh të shtrira jashtë sallës Kongreseve, qoftë në pjesën para saj, qoftë në Bulevard te Sheshi nënë Tereza apo sheshi Italia.
Do të diskutojmë disa tema të cilat i kemi identifikuar si tema të dorës parë, duke nisur nga tema e politikës së jashtme, Shqipëria-Rajoni dhe natyrisht marrëdhëniet tona me Europën. Te tema e energjisë që sot ka një rëndësi edhe më të veçantë në mjedisin e vete, tek tema e shëndetit dhe mirëqenies shoqërore dhe tek tema e rinisë dhe inovacionit. Janë këto panele që do të moderohen nga anëtarë të Kryesisë së bashku me anëtarë të kabinetit por ku janë të ftuar të marrin pjesë edhe të ftuar të tjerë sipas fushave. Pastaj do kalojmë në sesionin tjetër ku veç fjalës time do të ketë fokus në disa drejtime, së pari Këshillimi Kombëtar, rezultate që do të publikohen nesër”, deklaroi Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
