I dehur dhe nën efektin e dro gës, shoferi i mjetit luksoz dh unoi policët në Tiranë

Rrugoret’ në Tiranë kanë prangosur një shofer 31-vjeçar nga Tirana të identifikuar me inicialet A. S. Mësohet se ky i fundit po drejtonte mjetin i dehur nën efektin e lëndëve narkotike dhe alkoolit. Pas publikimit në rrjetet sociale të një video-je, në të cilën një automjet tip Audi qarkullonte me shpejtësi duke shkelur semaforin, në bulevardin “Bajram Curri”, policët kanë identifikuar automjetin, teksa kanë arrestuar drejtuesin e tij.

Pasi u prangos shoferi i makinës luksoze, 31-vjeçari A. S., ka kundërshtuar me dhunë punonjësit e Policisë Rrugore dhe ka tentuar të largohet, por është vënë në pranga. Në momentin e ndalimit drejtuesi i automjetit tip “Audi”, shtetasi A. S., është konstatuar se drejtonte automjetin pa vendosur rripin e sigurimit, teksa është testuar me aparatin drogë-testues dhe ka rezultuar se e drejtonte automjetin nën efektin e lëndëve narkotike.