“Hola Nardi” Ndoka ‘braktis’ politikën, i futet televizionit. Detaje nga emisioni i ish-deputetit

Ish-deputeti i PDK Nard Noka mesa duket ka vendosur që të lërë pas dore politikën për pak kohë.

Kjo pasi ai do ti futet një fushe të paeksploruar më parë.

Bëhet fjalë për moderimin, pasi Ndoka do të drejtojë një emision në televizionin “Top Channel”.

Rubrika e re brenda emisionit “E Diell” do të quhet “Hola Nardi”, me prezantues ish-deputetin dhe do të ketë të ftuar nga e gjithë bota. Emisioni nuk do të jetë politikë, por do të merret me politikën nëpërmjet sarkazmës dhe humorit.

Ndoka tha që do të ketë të ftuar edhe kryeministrin Rama, për t’i treguar që show bëhet në emision dhe jo në Kongres. Gjithashtu i ftuar pritet të jetë edhe ish-kryeminsitri italian Silvio Berlusconi. “Do kemi edhe Berlusconin, kemi kontaktuar edhe me të”, tha ish-deputeti.