LIGJET E BIZNESIT
Florian Marku ka arritur të mbrojë titullin e tij “International welterwight” në versionin IBF, duke regjistruar fitoren e 11-të në karrierë ndaj uellsianit Chris Jekins. Në ringun e “Utilita Arena” të Newcastle 29-vjeçarit iu deshën rreth 10 minuta për të marrë një fitore me KO ndaj një kundërshtari që nuk rezistoi më shumë se 3 raunde dhe në të katërtin u dorëzua, duke e detyruar gjyqtarin që të ndërpresë ndeshjen e t’i japë fitoren lushnjarit.
Në përballjen me britanikun Chris Jenkins, “The Albanian King” dhuroi një performancë madhështore, duke e mbyllur ndeshjen pa shkuar në gjysmën e saj.
Në prani të rreth 3500 spektatorëve, mes të cilëve shumë shqiptarë, sfida ishte tepër e kujdesshme në dy raundet e para, ndërsa në raundin e tretë Marku pësoi një të çarë në vetull, pas një përplasjeje me kokë me kundërshtarin e tij. Ajo e çarë mbi vetull e zgjoi Markun, i cili me nisjen e raundit të kartërt nisi breshërinë e tij duke dominuar dhe duke i dhënë fund ndeshjes e duke gëzuar të gjithë shqiptarët që ndodheshin në arenën e Newscastle./supersport
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
