“Fatjoni fajtor se e mashtroi” Flet motra e 30-vjeçares që u ekzekutua nga vjehrri: La burrin dhe fëmijët për të

Motra e 30-vjeçares Merushe Hazizi, e cila u ekzekutua nga vjehrri i saj ka treguar detaje tronditëse nga ngjarja e rëndë e ndodhur në Roskovec të Fierit.

Esmeralda, tha se fëmijët e të ndjerës nuk e dinë ende se nëna e tyre ka ndërruar jetë.

Ajo tregoi se Merushja e dashuronte Fajton Hoxhën, dhe për shkak të tij la edhe burrin dhe fëmijët te nëna e saj.

Si janë fëmijët e saj?
Fëmijët i kemi shumë-shumë mirë. Shëndeti i tyre është i mirë.

Si e mësuan lajmin?
Ata akoma nuk e kuptojnë. Ka qenë gjithmonë e larguar. Vinte herë pas here, por ata më shumë njohin gjyshen dhe gjyshërit, pasi ajo ka qenë më shumë e larguar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Po prindërit si janë?
S’kam fjalë për të thënë. Ata kanë qenë familje tamam. S’e di ça justifikime kanë dhënë. Merushja i la në shtëpinë e prindërve. Dhe nuk është paraqitur as ish-burri i saj, asnjë. Fëmijët i kanë mbajtur vetëm prindërit e mi.

Prej sa kohësh njiheshin Merushja dhe Fajtoni?
kishin 4 vitet që njiheshin bashkë. Pastaj u prezantuan në familje. Më pas i pranuam. Nisëm t’i donim.

Pse se pranonin Merushën familja e Fatjonit?
S’e donin. Ata donin shumë njëri-tjetrin. Shkaktar për këtë është Fajtoni. Pse e çoi atje motrën time. Kur nuk i zgjidhi problemet.

Merushja nuk donte të kthehej atje?
Jo nuk donte. U kthe se tha kam shtëpinë time, pse duhet të rrimë me qira kur kemi shtëpinë tonë. Ai këmbënguli shumë. Kur flas me Merushen; më tha; kam ikur në Vidhishtë

Sa kohë qëndruan aty?
Një muaj e ca.

Keni folur me motrën?
Po kemi folur, por na shprehte vetëm të mira. Nuk e tregonte se do ta vriste. I thoshim Fajtonit; largohu! Lerë babanë të qetë. Pastaj nisën problemet, lart e poshtë policat që vinin. Ça të them. S’e bëj dot lidhjen më.

Motra e Fajtonit tha se ngjarja ishte e paralajmëruar…
Të gjithë e dinin, por ne në familje duhet të na thoshin një fjalë. Ai nguli këmbë se tha që do e zgjidhte gjënë. Merushja e kishte ndarë mendjen, e donte dhe kaq. Për të la 3 fëmijët.

E dinit që ai e mbyllte me çelës?
Jo se dinim fare. Ai mund t’i ketë thënë që; mos u anko se do e zgjidhim bashkë.