Ndonjëherë gjërat nuk shkojnë ashtu siç ne dëshirojmë. Këngëtarja e njohur italiane, e cila është ndarë nga jeta së fundmi, nuk pati mundësi të kishte një fëmijë biologjik. Ylli italian zbuloi se nuk mund të ishte nënë në një fazë të rëndësishme të shtatëzanisë së saj. Mjeku gjinekolog i komunikoi se gjendja e saj shëndetësore dhe riprodhuese nuk e ndihmonte që ë të bëhej nënë.
“Nuk mund ta programosh ardhjen në jetë të një fëmije, ashtu siç bën me një spektakël televiziv, apo me një koncert. Isha vetëm 30 vjeçe dhe ditët e jetës sime kalonin shpejt përmes intervistave, provave në teatër, programeve televizive dhe muzikës. Kur vendosa të kisha fëmijë, i shikoja me dashuri dyqanet dedikuar fëmijëve dhe imagjinoja një dhomë me ngjyra të forta, si dhe me një shtrat të vogël në qendër.
Mirëpo, kjo ishte një lumturi e shkurtër. Muajt kalonin dhe fëmija nuk vinte. Shkova tek gjinekologu për një kontroll dhe atje mësova një të vërtetë të hidhur, ishte shumë vonë. Nuk mund të bëja dot më fëmijë. Edhe unë doja të dhuroja diçka të bukur, njësoj si gjërat që kisha marrë nga jeta. Kështu që e kalova gjithë dashurinë që kisha përbrenda, tek dy nipërit e mi. Vëllai im, për fat të keq ndërroi jetë i ri, por la pas dy fëmijë për të cilët unë u shndërrova në një baba, më tepër se në një hall.
Mbështes fëmijë të braktisur nëpër botë dhe herë pas here, shkoj edhe i takoj. Nuk do ta harroj asnjëherë emocionin që kam përjetuar kur kam shkuar në Guatemala të takoja Luisin, i cili në atë kohë ishte vetëm 8 vjeç. Bashkë me të jetonte e ëma dhe vëllai i tij më i vogël. E ndieja se isha e rrethuar nga dashuria dhe ai boshllëk që ndieja përbrenda, filloi të mbushej”- ka thënë këngëtarja.
