Ç’mund të bëni kur mendoni se jeta juaj ka dalë jashtë kontrollit

Ka momente kur të gjithë ndjejmë sikur asgjë s’po shkon me jetën tonë. Të mbytur nga lajmet pesimiste, përpiqemi të kapemi pas shpresës dhe marrëdhënieve njerëzore, por sërish në një moment na duket sikur thjesht s’mundemi më. Jeta jonë është lëmsh!

Si fillim duhet të dini se s’jeni të vetmit dhe kujtojini vetes që thjesht *ju duket*. Ka ditë të këqija, por e sigurtë është që ato kalojnë dhe dielli do të dalë sërish. Ç’mund të bëni ju në periudha si këto?

1. Lutje/meditim

Shumë njerëz besojnë se meditimi ose lutja janë shumë të thjeshta për të qenë efektive, por studimet kanë treguar se rezultatet pas këtyre proceseve janë surprizuese.

Lutja i lejon njerëzit të lidhen me diçka përtej vetvetes dhe inkurajon një ndjenjë lidhjeje. Dialogu i brendshëm pozitiv i çdo forme lutjeje mund të përfshijë biseda më shpresëdhënëse për veten (të brendshme), reflektim mbi marrëdhëniet me të tjerët (të jashtëm) dhe lidhje me hyjnoren (lart).

2. Të flasësh pozitivisht
Të jesh pozitiv (pa u bërë toksik) ka shumë përfitime në performancën dhe në përmirësimin e humorit. Pak inkurajim na duhet të gjithëve për t’u zhvilluar, prandaj nisni nga gjërat më të thjeshta. Flisni me njerëz që i doni, mos nënvlerësoni fuqinë e një fjale të mirë si dhe kushtojini vëmendje atyre që ju mbështesin.

3. Flisni edhe për potencialet që ka partneri/ja juaj
Duke bërë këtë, ju motivoni veten. Disa nga momentet më të rëndësishme për ndryshim janë kur dikush na frymëzon të shohim potencialin tonë më të madh.

4. Kujdesu për veten, fizikisht, mendërisht dhe shpirtërisht
Nëse ndiheni të mbytur, gjeni pak kohë për t’u shlodhur. Merrni kohën që ju duhet për të pushuar, për t’u ushqyer tamam dhe për t’u lidhur me veten. Fokusohuni tek gjërat që bëni për veten tuaj dhe merreni shtruar. Gjithë shqetësimet e momentit, shkruajini në një bllok. Rregulloni çfarë ëshë në dorën tuaj dhe për të tjerat praktikoni meditimin. Jo çdo gjë mund të bëhet siç doni ju, por bëni paqe me veten dhe mësoni të përshtateni.

5. Numëro gjërat e mira dhe ji mirënjohës
Vlerësimi dhe mirënjohja janë virtyte shumë të rëndësishme sepse të bëjnë të jesh në paqe me veten dhe jetën tënde edhe në momentet më të vështira. Në ditët më të këqija, praktikojeni edhe më shumë dhe numëroni gjërat e mira që keni në jetë.Anabel