LIGJET E BIZNESIT
Ish-ministri i Diasporës Pandeli Majko është betuar në Kuvend si deputet i ri i kësaj legjislature.
Ai përfaqëson Partinë Socialiste dhe mundi të hyjë në parlament pas arrestimit të deputetit Alqi Bllako për aferën e inceneratorëve.
Në zgjedhjet e 25 prillt, Pandeli Majko nuk arriti të thyejë herësin pasi renditej i 19-ti në listën e Qarkut Tiranës, e për pasojë mbeti jashtë politikës aktive. Por, arrestimi i Bllakos nga SPAK i hapi rrugë ish-ministrit për të hyrë në Parlament.
Në Kodin Zgjedhor, konkretisht në nenin 164, pika 2 thuhet: “Mandati i ndërprerë i deputetit ose i anëtarit të këshillit të bashkisë i kalon kandidatit vijues të listës së të njëjtës parti politike në zonën zgjedhore përkatëse, përveçse kur plotësimi i vakancës me kandidatin e radhës ul përfaqësimin e gjinisë së nën përfaqësuar. Në këtë rast plotësimi i vakancës bëhet nga kandidati i parë në listë i gjinisë së nën përfaqësuar pavarësisht renditjes në listë. Emrat e tjerë të asaj gjinie ngjiten në listë duke marrë renditjen e kandidatit paraardhës të së njëjtës gjini. Ky rregull nuk zbatohet kur emrat e gjinisë përkatëse kanë shteruar”.
Në këtë mënyrë Pandeli Majko i rikthehet politikës aktive, teksa ishte tërhequr pas humbjes në zgjedhjet e përgjithshme të 25 prillit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
