“Berisha i fryn përçarjes për interesa familjare”/ Basha: Kur do e marrë përgjegjësinë e të iki si unë?

Ish-kreu i PD-së, Lulzim Basha, në një takim me strukturat e PD Shkodër tha se ai e dha dorëheqjen edhe mbajti përgjegjësinë për gabimet e tij.

Ai shtroi pyetjen se kur do e bëjë të njëjtën gjë Berisha.

“Unë kam dhënë dorëheqjen dhe kam mbajtur përgjegjësinë time, por Berisha kur do e mbajë përgjegjësinë? Kur do iki nga PD dhe të ndalojë përçarjen e saj? Ai nxiti sulmin fizik ndaj PD. Ato ishin masa mbrojtëse ndaj konfliktit dhe dhunës së nxitur nga gjuha e një njeriu për interesat të familjes. Kur do e marri përgjegjësinë Berisha të çlirojë PD nga ky ngërç? Flet për bashkimin por i fryn përçarjes. Unë besoj se grupi parlamentar i PD duhet të ketë lirinë të vendosë i lirë pa trysni nga Berisha që e shikon PD si pronë private”, tha Basha.

Pas 9 vitete në krye, Lulzim Basha dha dorëhqjen nga drejtimi i Partisë Demokratike në 21 mars të këtij viti, ku gjithashtu tha se do të jetë i angazhuar në ringritjen e PD rreth vlerave, parimeve dhe standardeve demokratike.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern