Baba i dy fëmijëve/ Dalin detajet, kush ishte 38-vjeçari që u gjet i vetëv rarë në makinë

Kanë dalë detaje të reja për 38-vjeçarin që u gjet i pajetë në makinë.

Për viktimën thuhet se është vetëvrarë me armë zjarri.

Burimet për mediat kanë raportuar se Betim Kastrati, i cili u gjet i pajetë në aksin Fier-Lushnjë, punonte si shofer i drejtorit të Portit të Durrësit, Pirro Vengu.

Kastrati ka punuar për një kohë të gjatë efektiv i gardës së Republikës. Makina, mjet jo personal, po i institucionit dhe i përdorur jashtë orarit të punës është gjetur e ndezur dhe me drejtim për në Durrës, pra duke u kthyer për në qytetin bregdetar.

Babai i dy fëmijëve, që jetonte në Kamzë, u gjet mbrëmë në rrethrrotullimin e Kolonjës, në rrugës Fier-Lushnjë në mjetin tip “Volvo” me targë AB 550 AI, makinë e Portit të Durrësit, ndërsa sipas policisë, dyshohet se viktima vuante nga depresioni.

Ndërkohë policia vijon hetimet për dokumentimin e ngjarjes.