“Asnjë markë nuk vlen para dashurisë për atdheun” Blogeret ruse presin me gërshërë çantat e shtrenjta firmato

Me zhvillimin e teknologjisë , termat blogerë dhe influencues prej kohësh tashmë janë bërë pjesë e pandashme e realitetit tonë.

Ata kanë me mijëra, shpeshherë dhe miliona ndjekës, me të cilëtndajnë rregullisht postimet e tyre rreth gjërave që pëlqejnë dhe ndikojnë që ndjekësit e tyre të marrin pjesë në një aktivitet ose të blejnë produkte dhe shërbime të caktuara.

Së fundmi, blogeret ruse po protestojnë kundër Chanel, pas vendimit të shtëpisë franceze të modës për të bllokuar shitjen e produkteve të saj për klientët rusë jashtë vendit, në rast se ata synojnë t’i kthejnë në vendin e tyre.

Fillimisht, ato shfrytëzuan profilet e tyre për t’u shprehur kundër këtij vendimi, kurse tani po postojnë video në Instagram teksa presin me thikë dhe gërshërë çantat e tyre të shtrenjta.

Aktorja dhe prezantuesja televizive Maryna Yermoshkina, ishte e para që inicioi protestën e saj duke pretenduar se Chanel poshtëron bashkatdhetarët e saj dhe diskriminon njerëzit në bazë të kombësisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Asnjë markë nuk vlen para dashurisë dhe respektit tim për atdheun. Unë jam kundër rusofobisë, si rrjedhojë jam kundër markave që mbështesin rusofobinë. Nëse të kesh Chanel do të thotë të shes atdheun tim, atëherë nuk kam nevojë për Chanel.”