“Askush nuk zotëron gjithçka” Kongresi i PS të shtunën, Rama ka një kërkesë për deputetët

Në mbledhjen e Asamblesë së Partisë Socialiste, kryeministri Edi Rama ka patur një kërkesë të veçantë për deputetët socialistë.

Rama i porositi ata se ditën e shtunë gjatë Kongresit të gjithë duhet të jenë të angazhuar për të shprehur mendimet e tyre kritike për të parë se çfarë nuk funksionon.

“Së fundmi dua tu kërkoj deputetëve atë që u ka kërkuar organizatorëve dhe drejtuesve të paneleve në mbledhjen e fundit të kryesisë, gjë për të cilën e gjithë kryesia ka pasur të njëjtën frymë. Që të angazhohen aktivisht gjatë gjithë ditës së kongresit, sipas zonës së tyre të përfaqësimit, sipas pozicionit të tyre në pushtetin vendos apo në segmente të tjera të shoqërisë në mënyrë që kongresi të mos jetë vetëm një paraqitje informuese dhe as një moment i marrjes me zë të lartë të disa angazhimeve, por që kongresi të ketë brenda shpirtin vetëkritik në mënyrë që debati të zhvillohet si një ndarje reale e shqetësimeve dhe me vetëdijen që askush nuk zotëron gjithçka, por më pas të bëjmë zgjedhjet më të arsyeshme”, deklaroi kreu i qeverisë.