LIGJET E BIZNESIT
Kryetari i komanduar i Partisë Demokratike Enkelejd Alibeaj ankimoi çështjen e njohjes së Kuvendit të PD zhvilluar më 11 Dhjetor dhe vendimet e marra aty.
Ndërkohë mësohet se Gjykata e Apelit të Tiranës e ka pranuar kët ë vendim.
Më 25 mars, gjyqtari i Tiranës Agron Zhukri njohu Kuvendin e zhvilluar në “Air Albania” që vendosi shkarkimin e Bashës si kryetar i PD dhe marrjen e drejtimit të partisë nga “Komisioni i Rithemelimit”.
Vendimi u ankimua nga Alibeaj.
Gjyqtarja e Apelit Blerina Muça vendosi këtë të Premte pranimin e ankimit.
“Sot me date 22.04.2022, gjyqtare znj. Blerina Muça, ne lidhje me kerkesen e paraqitur nga Partia Demokratike e Shqiperise perfaqesuar nga z. Enkelejd Alibeaj, me objekt: Prishjen e Vendimit Nr. 1346/222 Akti, Nr. 3 Vendimi, dates 25.03.2022 te Gjykates se Rrethit Gjyqesor Tirane me gjyqtar Agron Zhukri duke vendosur pushimin e gjykimit ose kthimin e saj per shqyrtim ne te njejten gjykate por me tjeter trup gjykues, vendosi ne dhome keshillimi: Pranimin e ankimit te pales ankuese, Partia Demokratike e Shqiperise, perfaqesuar nga Nenkryetari i saj z.Enkelejd Alibeaj, ndaj Vendimit Nr. 3, date 25.03.2022 te Gjykates se Rrethit Gjyqesor Tirane. Kunder vendimit nuk lejohet ankim”, thuhet në një njoftim të gjykatës së Apelit.
Beteja mes palëve tanimë duket se do të zhvillohet tani në gjykatën e Apelit, pas vendimit të gjyqtares Blerina Muça për të pranuar ankimimin e Alibeajt.
