“Alibeaj nuk është më kryetar grupi” Berisha del nga mbledhja në PD pasi i ndërprenë fjalën

Ish-kryeministri Sali Berisha ka dalë nga mbledhja e grupit parlamentar të Partisë Demokratike.

Sipas informacioneve, Enkelejd Alibeaj i ka ndërprerë fjalën gjatë diskutimeve.

Berisha tha se kishte pasur tolerime ndaj Alibeajt për ta njohur si kryetar të grupit parlamentar por tashmë me veprimin që kishte bërë për të padiutr PD-në sa i takon mosnjohjes së kuvendit të kuvendeve të 17 korrikut dhe 18 dhjetorit, duke filluar nga sot nuk kishte më të njëjtin post.

Ish kryeministri, Sali Berisha: Për të qenë i hapur me ju si një njeri që isha shprehur për Enkelejd Alibeajn ndonëse me probleme të vërteta qenia e tij si kryetar grupi, por me një marzh tolerance të padiskutueshme, me veprimin e tij ai pushon së qenuri kryetar i grupit parlamentar. Alibeaj nuk ka asnjë tagër për të paditur PD-në.