A mund të jetë Lulzim Basha presidenti i ri? Ja si e komenton Edi Rama

Kryeministri Edi Rama ka folur për gazetarët pas mbledhjes së Asamblesë së PS në lidhje me Kongresin e 9 prillit.

Ai deklaroi se do të jetë një mbledhje në kontekst të jashtëzakonnshëm për shkak të kohës që po jetojmë, me një format të ri, në funksion të një hapjeje të gjerë, të një adresimi të atyre që janë çështjet më të rëndësishme të këtij momenti të vështirë.

“Sapo kemi mbaruar një mbledhje të Asamblesë Kombëtare në vigjilje të Kongresit të PS-së dhe do të jetë një kongres ndryshe nga më të mëparshmit, në një kontekst të jashtëzakonshëm për shkak të kohës që jetojmë, me një format të ri, në funksion të një hapjeje të gjerë, të një adresimi të atyre që janë çështjet më të rëndësishme të këtij momenti të vështirë.
Sigurisht që do të kemi jo vetëm ata që do të flasin në emër të lidershipit të partisë, por do të kemi të gjitha disponimin dhe po bëjmë atë që duhet për të pasur të ftuar që të përfshihen në debatet tona, në kërkim të një gjallërimi të debatit jo vetëm brenda familjes sonë politike, por të rigjallërimit të debatit të shëndetshëm me një frymë të shëndetshme kritike dhe vetëkritike në funksion të përmirësimit të mëtejshëm të vetvetes sepse problemi më i madh është vetvetja, pasi kundërshtarët janë bërë një problem që të paktën për momentin nuk ekziston”, tha Rama.

Lidhur me emrin e ri të Presidentit të Republikës, kryeministri deklaroi se maxhoranca i ka votat dhe nuk
“Ne kemi nisur një proces, ka një skuadër të mandatuar nga PS për të hapur një kanal komunikimi me forca, grupe, individë në parlamentin e Shqipërisë që përfaqësojnë anën tjetër, e cila është një anë me copa dhe çika, por sidoqoftë këtë nuk e kemi zgjedhur ne, ne thjesht respektojmë këtë konfiguracion që ata kanë krijuar. Në ndërkohë kemi hapur një proces të brendshëm pasi është hera e parë që PS i ka votat për të zgjedhur Presidentin dhe nuk varet nga votat e të tjerëve, kështu që edhe përgjegjësia është e jashtëzakonshme për t’i dhënë Shqipërisë një president që të jetë një njeri normal”, tha Rama.

I pyetur për mundësinë e kandidaturës së Lulzim Bashës si president, Rama tha: “Lulzim Basha mund të bëhet president i Republikës me votat e kësaj shumice aq sa Sali Berisha mund të fitojë çmimin Oscar me mbështetjen e syriqimit.net”.