LIGJET E BIZNESIT
Njerëzit që nuk vendosin dot kufij të fortë besojnë se nevojat e të tjerëve janë më të rëndësishme se të vetat. Si ta kuptoni nëse jeni një prej tyre?
1. Ti urren t’i refuzosh të tjerët apo të mos i ndihmosh dot
Kjo do të thotë se përpiqesh të ndjekësh planet e tyre, të thuash gjithmonë “po” edhe nëse ka gjëra që thellë thellë s’do t’i bësh. Për hir të shoqes tënde, ti shkon tek ai restoranti që ndoshta nuk do ta kishe zgjedhur vetë, por e bën vetëm për të mirën e përbashkët dhe për të shmangur çdo mosmarrveshje të panevojshme.
2. Ti ndjen sikur është në dorën tënde sesi ndihen njerëzit
Ti shqetësohesh më shumë për kohën e tyre sesa për tënden. Mund të dalësh edhe nga zona e rehatisë vetëm që ata të kënaqen. Nuk je kurrë 100% e relaksuar sepse mendon më shumë se ç’duhet për ndjesitë dhe emocionet e të tjerëve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
3. Vazhdimisht je e lodhur dhe nuk e di pse
Sepse i jep energji më shumë se ç’duhet të tjerëve dhe harron veten. Një shenjë tjetër që tregon se s’di të vësh kufij.
4. Je e nxehur, gjatë gjithë kohës
Sepse nuk bën gjërat që do dhe ndjek rrjedhën. Përveç kësaj, ti thellë brenda vetes mendon se askush s’po të respekton. Edhe mund të jetë kështu pasi nuk ke vendosur barriera që të dinë vlerën dhe të kenë nevojë për ty në momente të caktuara.
5. Eshtë shumë e vështirë për ty të marrësh vendime sepse mendon gjithmonë se çfarë duan ata
Vendimarrja për ty është procesi më i sikletshëm. Je gjithmonë duke menduar sesi do preken të tjerët prej dëshirave dhe mendimeve të tua. Të duket hera herës sikur po kalon një krizë identiteti dhe nuk di realisht çfarë do, kush je dhe çfarë ka vërtetë rëndësi për ty.
6. Të tjerët e kanë të thjeshtë të përfitojnë prej teje
Ti e di shumë mirë që do të biesh dakord me ta, por edhe nëse nuk je dakord, s’do të thuash asnjë fjalë. Dhe ata e dinë mirë këtë, prandaj e kanë më të lehtë të të manipulojnë apo të përfitojnë prej teje.
Ç’mund të bëni për këtë?
Vish këpucët e tua dhe prit më të mirën prej tyre për ty! Jep detaje për veten, por jo më shumë nga ç’meritojnë të dinë. Thuaj jo më shpesh edhe nëse çmimi është një fytyrë e mërzitur përballë teje. Të vendosësh kufij mund të jetë e vështirë, por të jep ndjesi çlirimi në një periudhë afatgjatë.anabel
