I shpallur në kërkim për dhunë në familje, Alterziu përfundon në gjendje të rëndë në spital

Albert Alterziu, i cili ishte shpallur në kërkim nga Policia e Elbasanit për akuzën e dhunës në familje, është arrestuar, edhe pse gjendja e tij shëndetësore është paraqitur e rëndë.

Një emër i njohur i botës së krimit është arrestuar mbrëmjen e kaluar në Elbasan dhe aktualisht ndodhet në gjendje kritike për jetën në spital pasi rezultoi se vuan nga një sëmundje e rënde si edhe nga Covid-19.

Alterziu në moshë minorene ka qenë i dënuar për një vrasje, ngjarje kjo e cila daton në vitin 2001, kur Alterziu, në moshën 15-vjeçare, kohë kur ka vrarë bashkëmoshatarin e tij Elton Shuli.

Për vrasjen Alterziu u dënua me dhjetë vite burg, por bëri vetëm 7 për shkak të moshës minorene.

Albert Terziu është plagosur po ashtu edhe në vitin 2013 gjatë një konflikti me thika në qytetin e Elbasanit, teksa në lagjen Partizani disa vite me parë ne nje lokal ju hodh granatë dhe mbeti i plagosur rëndë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern