Një 46-vjeçar është arrestuar nga policia e Kuçovës pasi dyshohet se ka kryer veprime të turpshme me një të mitur. Mësohet se shtetasi Tomorr Hima dyshohet se ka kryer veprime të turpshme me një vajzë 10-vjeçare e cila ishte duke luajtur në shtëpinë e tij me vajzat e tij. Ka qenë babai i vajzës ai që ka bërë denoncimin në polici për 46-vjeçarin.
Njoftimi i policisë:
Kuçovë/ Nga specialistët e Seksionit për Krimet në Komisariatin e Policisë Kuçovë u bë arrestimi në flagrancë i shtetasit T. H., 46 vjeç, banues në Kuçovë, pasi dyshohet se ka kryer veprime të turpshme me një shtetase të mitur 10 vjeçe. Materialet i kaluan Prokurorisë pranë Gjykatës së Rrethit Gjyqësor Berat, për veprën penale “Veprime të turpshme”.
