LIGJET E BIZNESIT
Dalin detaje të reja nga ngjarja e rëndë që ndodhi dje në mbrëmje në Kamzë.
Një 26-vjeçar humbi jetën pas një zjarri të rënë në komisariatin e policisë.
Viktima ishte Arben Mici, i cili ishte arrestuar për veprën penale “Dhunë në familje”. Mici dyshohet po ashtu si personi që ka ndezur zjarrin në komisariat, në bashkëpunim me Dilaber Idrizin. Ky i fundit ishte arrestuar po ashtu për “dhunë në familje”, teksa disa ditë më parë kishte hedhur nga ballkoni bashkëshorten dhe e kishte raportuar rastin si aksident.
Mici dhe Idrizi qëndronin të dy në qelitë e paraburgimit, për shkak se në burg nuk kishte shtretër të lirë. Nga ana e komisariatit ishte bërë kërkesë që të transferoheshin në ambientet e vuajtjes së dënimit, dhe pritej që të kryhej ditën e sotme.
Zjarri ka rënë fillimisht në qelinë e 26-vjeçarit, ku pasi ka dalë tymi, policia ka hapur derën për të nxjerrë të riun nga aty. Por Mici i ka shpëtuar nga duart efektivit dhe është futur në tualetin e dhomës ku ai qëndronte në tentativë për t’u arratisur. Më pas kanë shkuar efektivët e tjerë të cilët kanë tentuar t’u japin ndihmë por s’kanë mundur për shkak të tymit. Zjarrfikëset e kanë gjetur 26-vjeçarin të mbyllur në tualetin e dhomës së burgut, në gjendje të rëndë pasi ishte asfiksuar dhe me plagë në trup. Fatkeqësisht ai ndërroi jetë në spital.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Idrizi nga ana tjetër ndodhet në spital, nën kujdesin e mjekëve pas lëndimeve të marra.
