Nafta ka shënuar sot një rënie të konsiderueshme në bursë.
Ndryshimi erdhi teksa negociatorët ukrainnas dhe ata rusë filluan një raund tjetër bisedimesh dhe pasi presidenti i Ukrainës Volodymyr Zelensky u shpreh në fundjavë se bisedimet me Moskën treguan si shenja për tu bërë më thelbësore.
Ditën e sotme çmimi i naftës bruto ka rënë me 5% ndërsa një fuçi kushton diçka më pak se 104$. Vetëm tri ditë më parë fuçia ishte mbi 109 dollarë amerikanë.
Një tjetër faktor që ka çuar në rënien e çmimit, sipas analistëve të tregjeve, është edhe futja në karantinë e 17.5 milionë njerëzve në Shenzhen të Kinës, pas shpërthimit të Covid atje. Ky rajon tashmë është i bllokuar dhe udhëtimet nuk lejohen.
Sipas analistit Ole Hansen, karantinimi i këtyre banorëve ka sjellë uljen e çmimit pasi ka dhe një rënie kërkese nga miliona kinezë. Po ashtu, deklaratat optimiste të Volodymyr Zelenskyy janë një tjetër faktor shpresëdhënës se luftës mund t’i vijë fundi shpejt
