“Unë refuzoj të konsumoj” Revoltohet Artan Fuga: Nuk do të ble asnjë produkt me çmim të rritur

Akademiku Artan Fuga është revoltuar nga situata aktuale e rritjes së çmimeve.

Ai shprehet se ka marrë vendim se do të bojkotojë të gjithë ato produkte dhe shërbime të cilat ngrenë çmimet artificialisht.

Fuga shton se do të ulë konsumin e produkteve të tilla, me përjashtim të atyre jetike.

Sipas tij, kjo është e vetmja mënyrë për zgjidhjen e krizëës.

REAGIMI I  PLOTE

Unë refuzoj të konsumoj!

Zgjidhja e krizës të rëndë të rritjes të çmimeve është sjellja si konsumator i ndërgjegjshëm!

Unë qysh dje, përballë imoralitetit idiot të rritjes të çmimeve në atë formë që na dëmton si shoqëri, madje dëmton edhe ata që rrisin çmimet, kam marr vendimin që :

Do të bojkotoj të gjitha ato agjenci tregtare dhe produkte e shërbime që ngrenë çmimet artificialisht. Asnjë produkt nuk do të blej nëse është me çmim të rritur. Do të ul konsumin e të gjitha produkteve të tilla, me përjashtim të atyre jetike.

Duhet pshurrur në çmime!

Vetëm duke u lënë mallin si kopili në derë do t’i bëjmë të ulin çmimet. Të gjitha të tjerat janë broçkulla!

Të ulin fitimin, jo të ngrejnë çmimin për të ruajtur të paprekur normën e fitimit!

Ndiqmëni!