“U mbajtëm padrejtësisht” Flet në protestë studenti që u arrestua: Manifestimi ynë nuk është turp

Një student i quajtur Gentian, i cili u arrestua për tre ditë pasi protestoi për rritjen e cmimit të naftës, ka dalë sot sërish në shesh.

Ai tha se kanë rënë në pranga padrejtësisht, ndërsa shtoi se heronjtë e vërtetë janë protestuesit.

“Më mbajtën tre ditë në birucë. Nëse të gjithë shqiptarët janë mbledhur këtu kanë pasur një armik: Ai është Edi Rama. Solidarizohem me të gjithë ata të burgosur që janë mbajtur padrejtësisht. Na kanë arrestuar në trotuaret e atdheut tonë. I bëj thirrje studentëve që të protestojnë për të drejtën e tyre, të fjalës dhe të protestës.

Ju bëj thirrje që të mos trembeni nga dhuna, e të dalin e të protestojnë të gjithë në shesh. Edi Rama s’mundet ta mbaj peng Shqipërinë. Kur jam arrestuar nafta ishte 290 lekë dhe ai tha se vetëm do rritet. Ditën kur dola nafta ishte 217 lekë, që tregon që Rama kishte të padrejtë, e protesta s’është turp. Heronjtë e këtij populli jeni ju, Shqipëria ja ku i ka heronjtë” tha studenti.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern