Shtyhet data, ja kur do të mbahet Kuvendi Kombëtar i Komisionit të Rithemelimit të PD

Komisioni i Rithemelimit të PD e ka shtyrë mbledhjen e Kuvendit Kombëtar për në datën 30 prill.

Në Kuvendin e 11 dhjetorit u caktua data 22 mars për thirrjen e Kuvendit të Ri ku do të miratoheshin ndryshimet e reja statutore si dhe do të hapej gara për kryetarin e ri.

Komisioni i Rithemelimit vendosi:

Të zhvillojë me prioritet analizën e rezultateve zgjedhore në 6 bashkitë ku u zhvilluan zgjedhjet lokale,

Te nisë procesin statutor te riorganizimit të strukturave të degëve në këto bashki, proces i frenuar për shkak te këtyre zgjedhjeve,

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Të vazhdojë dhe të permbyllë procesin statutor në degët tjera konform udhëzimeve.

Për arsyet e sipërpërmendura, në mënyrë që gjithë ky proces te përfundojë me sukses, Komisioni i Rithemelimit të PD vendosi që të shtyjë mbajtjen e Kuvendit Kombëtar në datën 30 prill.