Pesë punonjëse të një kompanie kanë përfunduar në spitalin e Durrësit me shenja helmimi.
Sipas burimeve spitalore, atop o marrin trajtim pasi janë paraqitur me gjendje të fikëti, këputje e ndjesi të vjellash.
Mjekët e shërbimit të urgjencës bëjnë me dije se gjendja e grave është nën kontroll, ndërkohë që do të jenë analizat toksikologjike që do të përcaktojnë shkakun e helmimit.
Gratë janë punonjëse të një ndërmarrjeje që ndodhet në superstradën Durrës – Tiranë, ndërsa në lidhje me ngjarjen po heton edhe policia.
“Mesditën e sotme janë paraqitur në spitalin e Durrësit, shtetaset O. A., 41 vjeçe, A. R., 26 vjeçe, M. Xh., 30 vjeçe, A. Gj., 35 vjeçe dhe J. K., 38 vjeçe, të cilat dyshohet se janë helmuar në ambientet e punës, në një firmë në autostradën Durrës-Tiranë. Aktualisht ndodhen nën kujdesin e mjekëve, jashtë rrezikut për jetën.”, thuhet në njoftimin zyrtar të uniformave blu.
