Kryeministri Rama, gjatë takimit me fermerët ka komentuar edhe rritjen e çmimeve, duke ritheksuar se faktet janë ato që flasin dhe se në qoftë se çmimet rriten në të gjithë botën, këtë nuk mund ta ndalë asnjë qeveri.
Aiu shpreh se ajo që mund të bëjë qeveria është të monitorojë dhe të bëjë transpararencë në lidhje me çmimet.
“Sot janar-shkurt i këtij viti me këtë efekt brenda kemi 14 % plus eksporte krahasuar me një vit më parë. Nëse qeveria e vendos çmime siç i pëlqen populli për një muaj falimenton çdo gjë këtu. Si do të ndodhte sikur të vendosej urdhër sikur ju grurin që prodhoni ta shisni më pak, çfarë do ndodhte? Do të falimentonit. Por nga ana tjetër qeveria ka të drejtën të bëjë transparencë dhe të monitorojë çmimet për karburantin dhe çmimet bazë. Por e gjithë kjo njerëzit duhet ta kenë të qartë se nëse rritja ndodh në të gjithë botën , nuk ka qeveri që e frenon…Shikoni çfarë ndodh në shumë vende të botës…”, tha Rama.
