Dhjetëra mijëra civilë ndodhen të bllokuar në qytetin ukrainas të Chernihiv, pa gaz, ujë të rrjedhshëm apo energji elektrike pas një muaji luftimesh të ashpra.
Chernihiv, i vendosur në brigjet e lumit Desna, ishte ndër qytetet e para të Ukrainës të cilat u sulmuan nga trupat ruse që kaluan nga Bjellorusia në një përpjekje për të arritur në Kiev.
Pas një muaji, qyteti ende nuk ka rënë, por në fakt është shkëputur nga pjesa tjetër e vendit, sipas BBC.
“Nuk ka asnjë rrugëdalje të sigurt” tha guvernatori i Chernihiv, Vladyslav Chaus.
