Ngordhja e mbi 350 mijë pulave nga gripi i shpendëve, Prokuroria e Durrësit nis hetimet

Prokuroria e Durrësi ka regjistruar hetimin penal për firmat dhe zyrtarët publikë,  pas ngordhjes së mbi rreth 350 mijë pulave nga gripi i shpendëve. Burime bëjnë me dije se hetimet po kryhen për shkeljen e rregullave të karantinës si dhe për shpërdorim detyre.

Dje, ministria e Bujqësisë, njoftoi se pas Durrësit dhe Korçës, prezenca e gripit të shpendëve është zbuluar po ashtu edhe në Dibër. Këto vatra janë futur në karantinë në një rreze prej 10 km, sikurse parashikohet edhe në protokoll.

Në total deri më tani kanë ngordhur 358 520 shpendë, nga të cilat rreth 100 mijë janë groposur. Sakaq, 120 mijë pula të tjera të gjalla janë të infektuara, ndërsa është dhënë urdhri për asgjësimin e tyre, proces i cili pritet të nisë së shpejti, por që zv.ministrja e Bujqësisë nuk dha një datë konkrete.

Skandali nxori zbuluar ministritë të cilat jo vetëm që e mohonin ngjarjen, mirëpo vazhdojnë ende të lënë konsumatorët dhe qytetarët në një terr informativ.