Mercenarët e rekrutuar nga Rusia, flet siriani: Luftoj për të mbajtur familjen

Rusia ka rekrutuar qindra mercenarë lufte për të pushtuar Ukrainën. Mes tyre janë edhe luftëtarët sirianë të cilët pranojnë se janë paguar. Atyre iu ofrohen 5000 paund në muaj për të luftuar në vijën e frontit për Rusinë në luftën kundër Ukrainës, shkruan BBC.

Një ushtar sirian që doli vullnetar për të luftuar tha se besonte se Rusia po kryente një masakër në Ukrainë, por gjithashtu shtoi se në këtë rast po ndihmohen sirianët e varfët. Më tej ai shtoi se kishte dalë vullnetar për shkak të parave që ofroheshin. Ndonëse familja e tij nuk ka dashur që të shkonte në luftë, siriani tha se ata do të paguheshin 37,000 paund nëse ai vritej.