“Kam ardhur për një vepër bamirësie” E moshuara në protestë: Do ia fal pensionin Linda Ramës

Në protestën që po zhvillohet para Kryeministrisë për rritjen e çmimeve, ka folur dhe një pensioniste.

Ajo deklaroi me ironi se ka ardhur për të bërë një vepër bamirësie dhe se pensionin e saj do ia falë bashkëshortes së kreut të qeverisë, Linda Ramës, pasi 70 mijë lekë të vjetra që merr nuk i dalin për asgjë.

“Kam ardhur në protestë të bëj një vepër bamirësie. 2 milionë lekë mua më duhen për analiza, ilaçe dhe vizita. Pensionin e kam 70 mijë lekë të vjetra. Kam ardhur t’i fal pensionin tim Linda Ramës. Se unë me pension as nuk ha e as nuk pi, as nuk laj ujë e as nuk laj drita”, tha protestuesja e moshuar.