“Je ende i ri” Elon Musk sfidoi Putinin, Kremlini i kthen përgjigjen e ashpër

Miliarderi Elon Musk sfidoi publikisht presidentin e Rusisë Vladimir Putin që ti bashkohet në një duel me arte marciale.

“Bast” do të ishte përfundimi i luftës në Ukrainë.

Pak pas kësaj kërkese ka ardhur edhe përgjigjja e Vladimir Putinit. Ka qenë zyrtari rus Dmitry Rogozin, ai i cili “refuzoi” këtë kërkesë të Musk përmes një vargu nga “Përralla e priftit dhe e punëtorit të tij Balda” të Alexander Pushkin.

“Ti, djall i vogël, je ende i ri,” tha Rogozin, duke cituar historinë popullore të Pushkinit dhe duke shtuar: “Ti je i dobët të konkurrosh me mua, do të ishte vetëm humbje kohe. Parakaloni më parë vëllanë tim.”

Musk, nga ana e tij, përsëriti se ai është “absolutisht serioz” në lidhje me ofertën dhe kur u pyet nëse do të habitej nëse Putini do ta pranonte sfidën, Musk këmbënguli se “do të ishte një nder”.

“Nëse Putini do të mund ta poshtëronte kaq lehtë Perëndimin, atëherë ai do ta pranonte sfidën, por ai nuk do”, shkroi Musk.