Ka shkuar në 1 milion numri i pulave të ngordhura në qytetin e Durrësit, që përbëjnë edhe 80% të tufës së dy pularive.
Burime konfirmojnë se dy subjekte janë prekur nga kjo ngordhje masive e pulave dhe se ato kërkojnë ndihmën e shtetit për t’i groposur sa më shpejt.
Me ngordhjen e shpendëve, ekspertët kanë dhënë disa këshilla për higjienën si dhe shëndetin e konsumatorëve. Sipas tyre, sugjerohet që ushqimet e mishit të shpendëve të llojit të pulës të gatuhen në temperatura mbi 70°C dhe vezët po ashtu të jenë të mirëgatuara.
Virusi është i ndjeshëm kundrejt nxehtësisë dhe dezinfektuesve po ashtu, e për këtë arsye praktikat e mira higjienike (dezinfektimi i sipërfaqeve) dhe higjiena personale (larja e duarve) ndihmon në kontrollin e rrezikut.
