“Dorëheqja nuk është zgjidhja”/ Kryetarët e degëve japin sugjerimin e tyre në mbledhjen e Kolegjit

Kryetarët e degëve të PD në mbledhjen e Kolegjit të Kryetarëve që po zhvillohet këtë të diel në selinë blu po diskutojnë krizën mes tyre.

“Frymën e bashkimit e kam pas kryesore në fushatën time. Kisha përballë Berishën, pdk, lsi, PSD e Tom Doshit e bashkinë. Duhet strategji. Të hapim pd me të rinjtë, intelektualët. Jam dakord të bashkohemi, po se di a na len lsi me u bashkuar. Nëse pd kthehet parti te vlerave do e shohin edhe shqiptarët se është parti e vlerave. Vetëm kështu ecim përpara”, tha Xhemal Bushati kreu i PD Shkodër.

Kryetari i Degës së Korçës, Vasel Koçia ka thënë se PD ka një kuvend të 18 dhjetorit dhe një statut të miratuar, duke shtuar se duhet ngritur një komision që të negociojë bashkimin e demokratëve.

“PD ka një kuvend të 18 dhjetorit, një statut të miratuar. keshilli kombetare ka marre disa vendime. Komisioni I përbashkët është një mënyrë e mirë. Unë nuk jam që dorëheqja të jetë zgjidhje. Ngreme nje komision që të negociojë për bashkim e demokrateve”, u shpreh Koçia.

Për kryetarin e degës së Patosit, Zhezai Sinaj, zgjidhja e vetme duhet të jetë bashkimi.

“Duhet të mendohemi mirë, mos të nxitohemi. Zgjidhja e vetme është bashkimi. Duhet të gjejmë rrugët e bashkimit. Duke u angazhuar të gjithë bashkë duke komunikuar gjërat do të shkojnë mirë dhe arrihet bashkim”, përfundoi Sinaj.