Kreu i Grupit Parlamentar të Partisë Demokratike Enkelejd Alibeaj i ka kërkuar dorëheqjen Lulzim Bashës nga drejtimi i partisë.
“Berisha nuk ka më punë në PD, por duhet të tërhiqesh edhe ti edhe ai. Ne duhet t’u japim sinjale bashkimi. Vendimi yt kishte qëllim të mirë por nuk ia dolëm. Kam dy alternativa. E para nuk e shoh dot PD të ngjitet pas Sali Berishës. Nuk është alternativë. Merreni si të doni. Emocionale, personale. Ne duhet të japim sinjale bashkim.
E dyta është t’u japim shans të tre pjesëve të bashkohen. Procesi duhet të jetë i sinqertë. Propozoj që derisa këto dy pjesë e kanë një përfaqësim e treta nuk e ka dhe ju thatë që jeni në funksion të zgjidhjes. Ju të bëni një hap pas, Berisha një hap pas, të krijohet substanca e bashkimit e sinqertë. Këtë shoh si mundësi. Kemi kohën e mjaftueshme”, ka deklaruar Alibeaj.
