“Buzëqesh kur këta qahen për çmimet” Rama batuta me emigrantin: Se dinë këta që ju e keni më të vështirë të nxirrni fundin e muajit

Kryeministri Edi Rama ishte sot në Durrës.

Ai dorëzoi çelësat e apartamenteve të reja për 230 familje që humbën banesat në tërmetin e 2 viteve më parë.

Në mesin e qytetarëve që përfituan banesë të re ishte edhe një emigrant që jetonte në Itali, me të cilin Rama pati një bashkëbisedim të shkurtër. Kryeministri e pyeti qytetarin për jetesën në Itali dhe çmimet e rritura, teksa ky i fundit i tha se buzëqesh kur dëgjon shqiptarët se ankohen.

Sipas Ramës, qytetarët italianë e kanë më të vështirë të nxjerrin fundin e muajit në krahasim me ata që jetojnë në Shqipëri.

Pjesë nga biseda:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Rama: Si shkojnë punët në Itali?

Emigranti: Mirë shkojnë, jetojmë

Rama: Me çmimet?

Emigranti: Çmimet, qahen këta të Shqipërisë, por çmimet janë edhe atje, nafta…buzëqesh kur qahen këta, se nuk është vetëm në Shqipëri, por në të gjithë botën.

Rama: Disa këtu nuk e dinë që për ta kapur fundin e muajit e keni më të vështirë ju andej. Atje të nxjerrin nga shtëpia.