Bajrami dhe Asllani nuk e ndalin dot, Milani mund Empolin dhe tenton arratinë

Milani ka siguruar sot një fitore të rëndësishme 1-0 ndaj Empolit. Një sukses me vuajtje i kuqezinjve ndaj skuadrës së Nedim Bajramit dhe Kristjan Asllanit, por që mjaftoi që të blindonte vendin e parë të skuadrës së Stefano Piolit.

Goli i Kalulu në pjesën e parë ishte ai që i dha avantazhin Milanit, i cili mendoi më pas të administronte avantazhin, duke u shfaqur shumë i kujdesshëm për të mos lënë hapësira për Bajrami & Co, sidomos në pjesën e dytë ku toskanët provuan të vinin disa herë në vështirësi Menja,

Edhe vetë Bajrami provoi të shënonte me një goditje direkte nga këndorja, teksa u desh të zëvendësohej më pas për një problem në kofshë. Kuqezinjtë administruan mirë gjithçka deri në fund dhe morën 3 pikët që i lejojnë të shkëputen 5 pikë nga Interi dhe 6 nga Napoli, në një tentativë të vogël arratisje drejt titullit kampion.bw