Zja rr në tragetin pranë Korfuzit, 11 të zhdukur, disa shoferë fjetën në kamionët e tyre

11 persona rezultojnë të zhdukur nga zjarri i cili ra sot në mëngjesi në tragetin e pasagjerëve Euroferry Olympia që po udhëtonte drejt Italisë, teksa lundronte në afërsi të Korfuzit. Informacionet e para vijnë pas numërimit të personave që kanë dalë në breg, 279 në total nga 290 që ndodheshin në bord me ekuipazhin.

Të mbijetuarit e anijes që u përfshi nga flakët ndodhen në tre mjete lundruese dhe pritet të mbërrijnë në Korfuz për një orë.

Roja bregdetare ka evidentuar katër pika ku do të bëhet identifikimi i tyre për të pasur një raport më të saktë të të zhdukurve.

Më herët pasagjerët kanë pasur komunikime me disa televizione të ndryshme ku kanë shprehur frikën se jo të gjithë mund të kenë shpëtuar pasi kishte disa drejtues mjetesh që gjatë rrugës kanë qëndruar në kamionët e tyre në garazhe.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern