Vr au një polic para 3 vitesh në Malin e Zi, shqiptari kërcënon policët: Do eliminoheni

Shqiptari Luan Hasanaj, i akuzuar për vrasjen e policit Milutin Lekoviç ka kërcënuar edhe togat e zeza.

Teksa ndodhej në seancën gjyqësore, ka kërcënuar prokurorin dhe gjyqtarin duke u thënë “të gjithë do të eliminoheni”.

Anëtarët e familjes Lekoviç kanë treguar për se i akuzuari Hasanaj dhe të tjerët kanë bërtitur vazhdimisht ndaj palëve dhe se gjykimi është karakterizuar nga kërcënime ndaj trupit gjykues dhe prokurorit.

“Pres të dal nga këtu i armatosur dhe t’ju eliminoj të gjithëve”, tha Hasanaj. Autoritetet  kanë larguar shqiptarin nga salla e gjyqit, pasi nuk i ndalonte kërcënimet.

Hasanaj ka vrarë me armë zjarri një oficer policie, Milutin Lekoviç, teksa ishte në një automjet policie në 15 dhjetor 2019.

Më pas ai i drejtoi armën oficeres së policisë Alexandra Kilibarda, duke synuar t’i merrte jetën, por që fatmirësisht ngeci arma e tij dhe nuk qëlloi mbi efektiven.

Luan Hasanaj në momentin e vrasjes shoqërohej nga i vëllai Luljzim Hasanaj dhe nëna Nura Hasanaj dhe akuzohen për ndihmë dhe nxitje të autorit.