Vodhën makinën dhe më pas e përplasën, 3 adoleshentët në Lushnje e pësojnë keq

3 të rinj janë arrestuar nga policia e Lushnjës pasi grabitën një makinë tip “Benz”. Në tentativë për tu larguar me këtë mjet të vjedhur njeri prej të rinjve ka humbur kontrollin dhe më pas ka dalë nga rruga.

Si përfundim ata janë lokalizuar dhe arrestuar nga policia.

“Specialistët për Hetimin e Krimeve në Komisariatin e Policisë Lushnjë arrestuan në flagrancë shtetasit A. C., 16 vjeç, G. D., 17 vjeç dhe I. Xh., 15 vjeç, banues në Lushnjë, pasi në bashkëpunim me njëri-tjetrin, në lagjen “Gafurr Muço”, Lushnjë, kanë vjedhur automjetin tip “Benz” në pronësi të shtetasit B. O.

Duke drejtuar automjetin e vjedhur, shtetasi A. C. ka humbur kontrollin dhe ka dalë nga rruga. Të tre shtetasit kanë braktisur automjetin dhe janë larguar nga vendngjarja, por janë lokalizuar dhe kapur nga shërbimet e Policisë”– njofton policia.