V rau me çekiç gruan në sy të fëmijëve, prokuroria mbyll hetimet për 51-vjeçarin shqiptar

Një ngjarje e rëndë ndodhi vitin e kaluar në Itali, ku 51-vjeçari shqiptar Gëzim Alla vrau me çekiç bashkëshorten e tij.

E gjithë skena ndodhi në sy të fëmijëve.

Alla akuzohet për vrasje me dashje dhe ka dalë para prokurorisë së shtetit fqinj.

Ai pritet të marrë një dënim të rëndë për këtë ngjarje makabre, ku sipas prokurorisë ai e ka goditur shumë herë me çekiç gruan e tij, madje edhe kur ajo ka qenë e shtrirë në dysheme dhe në pamundësi për t’u mbrojtur.

Autori i krimit monstruoz e kishte goditur 39 vjeçaren, në kokë dhe në sy të fëmijëve, të cilët panë tmerrin me sy. Fëmijëve iu është caktuar një avokat që të kujdeset për kujdestarinë e tyre.

Nga ana e tij, autori Gëzim Alla është mbrojtur duke thënë se gruaja e kishte ofenduar duke e quajtur mbeturinë dhe se e kishte pështyrë në fytyrë, shkruan Corriere della Sera.

“Më tha se jam mbeturinë, pleh dhe më pështyu, nuk e di ishim në garazh apo në kuzhinë, pas asaj që ndodhi nuk mbaj mend asgjë” , u justifikua ai para gjykatës. Avokatja e tij ka kërkuar që 51- vjeçari të klasifikohet tek të sëmurët e shëndetit mendor.

 I akuzuar për vrasje me dashje

Në ditën e vrasjes së nënës së tyre, më 18 prill 2021, dy djemtë të moshë 10 dhe 13 vjeç dëgjuan britmat e saj dhe të frikësuar, ishin strehuar në një prej dhomave të shtëpisë. Kur karabinierët mbërritën në shtëpinë ku familja jetonte prej katër vitesh, e gjetën gruan të vdekur dhe arrestuan menjëherë autorin e ngjarjes, i cili kishte pranuar krimin makabër.“Kam goditur gruan, ndoshta ka vdekur”, i tha ai policisë në telefon pasi kishte kryer masakruar bashkëshorten e tij e cila dergjej në cep të kuzhinës ku ishte përpjekur t’i shpëtojë goditjeve vrastare të burrit të saj.