“Uroj të mbarojë shpejt” A pati hatërmbetje të Donaldit me produksionin? Arbana Osmani i sqaron të gjitha

Finalja e madhe në “Big Brother VIP” shpalli fitues balerinin Ilir Shaqiri, teksa në vend të dytë u rendit aktori Donald Veshaj.

Ndërkohë së fundmi të gjithë nuk po komentojnë Ilirin, por pakënaqësinë e Donaldit.

Madje kjo situatë ka sjellë dhe reagimin e moderatores së spektaklit, Arbana Osmani.

Ajo zbulon se nuk ka asnjë konflikt mes artistit dhe produksionit, por mediat online janë të etura për klikime dhe sipas saj po keqpërdoret çdo deklaratë.

“Po shoh që në mediat online të etura për klikime që po keqpërdoret çdo deklaratë, çdo status, koment i bërë nga Produksioni i Big Brother VIP duke i konsideruar ‘kunja’ dhe duke insinuar një konflikt që nuk ekziston dhe as nuk do të ekzistojë ndodnjëherë. Unë dhe Top Channel i jemi falenderues dhe mirënjohës çdo konkrenti në këtë Big Brotther, aq më tepër Donaldit i cili na ka dhuruar emocione pafund. Big Brother ka përfunduar dhe bashkë me të uroj të mbarojë shpejt edhe vala e dëshirës për të vënë kundër njerëz që vetëm kundër nuk kanë qenë, nuk janë e nuk do të jenë ndonjëherë”, shkruan Arbana Osmani.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern