Shpërthime të forta janë dëgjuar këtë mëngjes në Ukrainë, pas njoftimit të presidentit Vladimir Putin se ka urdhëruar një operacion ushtarak kundër këtij vendi.
Si fillim, në kryeqytet janë dëgjuar të paktën dy shpërthime në qendër, të cilat ndiqeshin më pas nga sirenat e ambulancës.
Në qytetin më të madh me gjysmë milioni banorë, Mariupol, disa banorë thanë se kishin dëgjuar të shtëna artilerie nga një lagje në pjesën lindore të qytetit.
Ushtria ukrainase tha se forcat ajrore të vendit po zmbrapsnin një sulm ajror nga pushtuesit dhe siguroi se raportet se forcat ruse kishin zbritur në Odessa ishin të rreme.
Sirenat e sulmit ajror u dëgjuan gjithashtu në Kiev të enjten në mëngjes.
Ka gjithashtu raporte për luftëtarët rusë që bastisin një aeroport jashtë qytetit.
Ministria e Mbrojtjes e Rusisë njoftoi sot se forcat e armatosura ruse po godasin infrastrukturën ushtarake në Ukrainë me armë me precizion të lartë, në veçanti grupe të mbrojtjes ajrore, fusha ajrore ushtarake dhe avionë.
