“U bë kokë turku për këtë arsye” Maks Haxhia lëshon deklaratën e fortë pas arrestimit të Saimir Tahirit

Avokati i Saimir Tahirit Maks Haxhia, ka pretenduar se ish-ministri i Brendshëm u dënua me 3 vite e katër muaj burg për ti treguar Europës se Shqipëria ka bërë një reform të denjë në drejtësi dhe i ka plotësuar kushtet për tu integruar në BE.

Duke folur për “Euronews Albania”, ai u shpreh se dënimi i Tahirit i hap rrugën arrestimit të shumë zyrtarëve dhe ish-zyrtarëve të tjerë.

“Reforma që trumbetohet sot kërkon koka turku. E para t’i thotë Evropës që futëm ministrin e Brendshëm në burg, do fusim dhe ca të tjerë, që plotësuam kushtin për në BE. Dhe e dyta nëse e bëjnë këtë për Tahirin që është i pafajshëm, të tjerë që kanë hedhur edhe një firmë do shkojnë në burg. Se u vendos kufiri në minimum; kur dënohet ministri i brendshëm të tjerët nuk do ta diskutojnë dënimin me burg”, tha avokati.

Haxhia e cilësoi gafë vendimin e Apelit, që e përkeqësoi pozitën e Tahirit krahasuar me vendimin e shkallës së parë, në një kohë që pala mbrojtëse, tha ai, kishte apeluar vetëm akuzën për shpërdorim detyre.

Ai tha se do drejtohen Gjykatës së Strasburgut për të pezulluar ekzekutimin e dënimit të dhënë nga Apeli i Posaçëm.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern