Të dënuar për drogë e vrasje, arratisen nga burgu grek 4 shqiptarë dhe një pakistanez

4 shqiptarë dhe 1 pakistanez janë arratisur nga burgu i Kretës.

Bëhet me dije se shqiptarët dhe pakistanezi ishin arrestuar, dhe ditën e shtunën u transferuan nga Athina në Kretë dhe do dërgoheshin në burgun e Chanias.

Personat e arratisur mësohet se akuzohen për grabitje, vrasje si dhe trafik droge. Madje, sipas informacioneve, njëri prej tyre është dënuar me burg të përjetshëm për 3 vrasje.

Nuk dihet ende se si ata kanë arritur të largohen nga Komisariati i Chanias, pak para se të dërgoheshin në qeli, teksa autoritetet e të gjithë Kretës janë mobilizuar për të bërë të mundur sërish arrestimin e tyre.