LIGJET E BIZNESIT
Taksa e vendosur nga qeveria e presidentit Reyep Taip Erdogan ndaj pijeve alkoolike ka bërë që në disa qytete të ndryshme të Turqisë, baret të boshatisen pothuajse totalisht.
Taksimi i ka detyruar drejtpërdrejt pijedashësit që t’i distilojnë vetë pijet e tyre. Tryezat janë pothuajse të boshatisura në lagjen më të gjallë të Stambollit, pasi taksat mbi alkoolin u rritën me 50 përqind.
Kjo është edhe një nga goditjet më të mëdha që qeveria turke i dha konsumit të alkoolit në vend. Presidenti turk Erdogan, një mysliman i përkushtuar, është shprehur se njerëzit më mirë të pinë bozë se sa raki. Por kriza ekonomike në vend si dhe rënia e lirës bëjnë që vendi të ketë nevojë për të ardhura.
“Njerëzit që vinin 3 ose 4 ditë në javë, tani vijnë vetëm një ditë. Një person që pinte 5 ose 6 birra, tani pi 2 ose 3. Ndaj është e natyrshme që vendosja e taksës të na ketë prekur”, tha Ali Iktu, pronar bari, në Stamboll.
Mirëpo konsumatorët nuk do të ndalen, shprehet Serdar Bayar, pronar i një dyqani pijesh. Pijedashësit po bëhen kimistë dhe po i distilojnë vetë pijet e tyre. Në rrjete sociale ka pafund video të cilat tregojnë se si të përgatisësh pije në kushtet e shtëpisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Ata do të blejnë alkool kontrabandë dhe kjo do të shkaktojë pasoja të padëshirueshme, që nuk duam t’i shohim”, tha Serdar Bayar, pronar dyqani pijesh në Stamboll.
Vetëm dhjetorin e vitit të kaluar, 84 persona humbën jetën nga alkooli i paligjshëm, përpara se çmimet të rriteshin. Ndërsa këtë javë policia e Stambollit bastisi një laborator pijesh dhe arrestoi disa persona të dyshuar.
