Rrogat e Qeverisë së Malit të Zi! Ja sa paguhet zëvendëskryeministri dhe kabineti i tij

Qeveria e Malit të Zi ka publikuar listën e pagave të zyrtarëve publikë për muajin janar të këtij viti, ku tregohet edhe se sa paguhet zëvendëskryeministri, Dritan Abazovic.

Sipas kësaj liste mësohet se ish-kryeministri malazez, Zdravko Krivokapiç ka marrë pagë neto prej 2300 eurove, ndërsa Abazovic është paguar 1732 euro. Ndërkohë, sekretari i përgjithshëm i qeverisë, Zana Prasceviç Milaçic paguhej me 1503 euro, ndërsa zëvendësi i saj, Nikola Kandic ka fituar 1448 euro në janar.

Shefja e kabinetit të kryeministrit, Ivana Maloviç ka marrë pagën e muajit janar prej 1478 eurove, ndërsa këshilltari i kryeministrit, Dejan Abazoviç rreth 1670 euro.

Këshilltarja e kryeministrit për media, Ananije Jovanovic, në janar ishte paguar 1410 euro, ndërsa këshilltari i kryeministrit për siguri, Vojo Lakovic rreth 1740 euro. Kryenegociatorja e Malit të Zi me Bashkimin Evropian (BE), Zorka Kordic, mori një pagë neto prej 1,650 eurove në muajin janar.