Kryeministri Edi Rama në një intervistë për Zërin e Amerikës, e konsideroi si një pengmarrje atë që po ndodh brenda Partisë Demokratike.
Cili është ndikimi i gjendjes së opozitës tani në administratën e vendit dhe qeverisjen?
Ne nuk kemi pasur opozitë prej vitesh. Ajo ka qenë opozitë muskujsh dhe jo mendjesh. Ajo është një përçarje e madhe që reflektohet në një ndarje të madhe edhe në popull edhe tek njerëzit duke shkatërruar premisat e një opozitarizmi fitues, europian dhe duke dëmtuar vendin. Por ne nuk mund të ndryshojmë gjësendi. Është një pengmarrje spektakolare e opozitës që janë tragji-komikë. Njëri i shpallur non grata nga SHBA, dhe tjetri një humbës serial që flet sikur ka zbuluar Amerikën por është peng i vetvetes. Janë dy personazhe pa asnjë legjitimitet.
A mund të bëheni më autoritar?
Nuk kemi pasur opozitë racioale dhe të arsyeshme. Ndoshta mbaj mend një natë, por asnjë ditë. Prandaj ne po rrisim kapacitetin për të ndërvepruar me qytetarët brenda dhe jashtë saj. Jemi në procesin e Këshillimit Kombëtar për disa vendime të qeverisë për të cilat ne kemi dilemat tona. Opozita është vetëm për përçarje jashtë rugës së arsyes ndërkohë që politika kërkon në radhë të parë arsyen.
